तेस्रो सुनापती गाउँपालिका अध्यक्ष कप-२०७८ को तेस्रो दिन, लिखु तामाकोशी र गोकुलगङ्गा गाउँपालिका फाईनलमा प्रवेश

०७ चैत्र २०७८ रामेछाप- सुनापती गाउँपालिका अन्तर्गतको सुनापती खेलकुद बिकास समितिद्वारा आयोजित जिल्लास्तरिय अन्तरपालिका “तेस्रो सुनापती गाउँपालिका अध्यक्ष कप-२०७८” पुरुष भलिबल र महिला पुरुष डबल ब्याटमिन्टनतर्फको खेलमा रामेछाप जिल्लाको ६ गाउपालिका र २ नगरपालिकाले सहभागी भएका थिए।जस्मा ‘ पोल A’ बाट दोरम्बा गाउँपालिका ,मन्थली नगरपालिका,रामेछाप नगरपालिका,गोकुलगङ्गा गाउँपालिका सहभागी भएका थिए भने ‘पोल B’ बाट सुनापती गाउँपालिका,खाँडादेवी गाउँपालिका, उमाकुन्ड गाउँपालिका र लिखु तामाकोशी गाउँपालिका, मन्थली नगरपालिका र गाउपालिका सहभागी भएका थिए।पोल A र पोल B को पहिलो लिग चरणबाट मन्थली नगरपालिका, दोरम्बा गाउपालिका र सुनापती गाउपालिका र उमाकुन्ड गाउँपालिका नक आउट भएका थिए। पुरुष भलिबलतर्फ खेलको तेस्रो दिन सेमिफाइनल चरणमा ‘पोल A’ बाट खाँडादेवी गाउँपालिका र गुकुलगङ्गागाउँपालिकाबिच प्रतिस्पर्धा भएको थियो । उक्त सेमिफाइनल, बेस्ट उफ फाइब अन्तर्गत गोकुलगङ्गा गाउँपालिकाले तीन सेट जितेर फाइनल चरणमा प्रवेश गरेको छ।‘पोल B’ तर्फ बाट सेमिफाइनल चरणमा लिखु तामाकोशी गाउँपालिका र रामेछाप नगरपालिकाबिच प्रतिस्पर्धा भएको थियोे। उक्त चरणमा रामेछाप नगरपालिकाले १ सेट जितेको थियो भने लिखु तामाकोशी गाउँपालिकाले तीन सेट जितेर फाइनल चरणमा प्रवेश गरेको छ।पुरुष ब्याटमिन्टन तर्फको सेमिफाइनल चरणबाट रामेछाप नगरपालिका र खाँडादेवी गाउँपालिकाले दोरम्बा गाउँपालिका र मन्थली नगरपालिकालाई हराउँदै फाइनल चरणमा प्रवेश गरेको छन। महिला तर्फको ब्याटमिन्टन खेलमा भने दोरम्बा गाउँपालिका र मन्थली नगरपालिका फाइनल चरणमा प्रवेश भएको छ भने तेस्रो र चौथो स्थानमा सुनापती गाउँपालिका भएको छ।पुरुष भलिबल तर्फ फाइनल चरणमा लिखु तामाकोशी गाउँपालिका र गोकुलगङ्गा गाउँपालिकाबिच प्रतिस्पर्धा हुनेछ।महिला ब्याटमिन्टन तर्फको फाइनल चरणमा दोरम्बा गाउँपालिका र मन्थली नगरपालिकाबिच हुनेछ भने पुरुष तर्फको फाईनलमा रामेछाप नगरपालिका र खाडादेवी गाउँपालिकाबिच चैत ८ गते हुनेछ।